Geguritan

BAPA, IBU, GURU, KANGGO MULYAKU

H. Riyanto, AS

Tansah dak eling paweling

Tak estok ake

Welinge bapa kang kebak tresna

Nganti aku ngerti tata karma

Ngerti suba sita

Ibu kang kebak welas asih

Marang aku gawe tentreming atiku

Jiwa ragane ditohake mung kanggo aku

Kabeh mau mung kanggo aku

Lelabuhane ibu ora biso tinuku

Guru ngebaki wadah kothongku

Buku ilmu kaprigelan kautaman

Ngebaki taman kaendahan

Kabeh piweling mau

Mung kanggo kamulyanku

Wulan purnama ing dina ngarepku

BRUNO PROVINSI KUNO

H. Riyanto, AS

Bruno provinsi kuna

Papan cilik

Ndelik

Nyimpen primpen

Mutiyara apik

Kambangan

Seksi bisu perjuangan

Walanda

Kang nyaplok Negoro

Dulwahid

Jasudin

Mbetengi wongso Negoro

Kanggo slameting bangsa

Bruno provinsi kuna